香港新浪網 MySinaBlog
« 上一篇 | 下一篇 »
mongrel | 6th Aug 2006 | 狗聞共賞 | (1345 Reads)
剛剛收到HKDR負責人Sally的email,說沙田漁農處收養事宜要改變。平時,當漁農處(任何一個)捉左d狗狗後,sally會立即去看去選,但由於hkdr長期太多唐狗沒有人領養所以20個籠50隻狗經常爆滿,籠無虛席。一直以來漁農處都很寬限,願意先讓這類志願團體回去安排好他們狗場的狗狗先被領養出去後才來漁農處領之前選了的狗離開。

這基制終於做成漁農處有一些問題,沙田漁農處實行「要定唔要,即時選! 」d狗狗真係只得一個機會了,選中有生命,選唔中無命剩 。("take it or leave it" basis, that is, there is no time given to think about it. Either we take the dogs, or they are destroyed)。我們很擔心,這樣下去,因為地方有限,就變得想救也沒法子得救了.......。

我唔知可以點樣去educate大家,有大屋大花園的唔一定要養拉布拉多、金毛的(黑色的拉布拉多經常被人當是當狗......哈!!!),唐狗其實真的真的很不錯。我唔知點樣可以educate大眾,狗唔一定要有bb養起,領養一隻性情已定的成犬是很好,而且減低他日那主人覺得教唔店隻狗bb遺棄佢的機會。

大家覺得有什麼意見可以input給我,等我可以同sally說一下。其實已經幫緊佢整一d唐狗的promotion....那知有這樣突發的事情(現在是沙田的漁農處不用很久應該有其他分區一起這樣做的,我唔怪漁農處因為人地都係有佢要工作的事情)。不過,難道以後真的要先考慮有品種的狗後考慮唐狗? 那麼生為唐狗的是不是天生就要死刑?

此文同貼於: 當上狗義工的棄狗


[1]

我提供唔到新方法(好廢話)。但真係好想講一句。雖然現在我的寶寶不是唐狗(牠們是另一個故事)。但我曾同好幾隻唐狗走過牠們的一生。佢地真係同所有狗種一樣咁可愛同聰明,有時甚至於有一種獨特的堅強同耐力,及不同的感情表達。真係希望多d人比機會唐狗。


[引用] | 作者 暴走老太 | 6th Aug 2006 | [舉報垃圾留言]

[2]

雖然明白唐狗好可憐, 但係有時o的o野都好現實, 有時人選擇養純種狗只係單純地覺得佢o地個樣比較可愛, 就好似養拉布拉多o既未必會鍾意松鼠狗一樣, 不一定係對唐狗存有偏見. 由細養起都可能只係因為想多o的時間同佢o地相處, 唔想養幾年, 自己o既心肝寶貝就要百年歸老. 唯有真係做多o的promotion, 希望吸引到一o的富同情心o既愛狗人仕領養. 下年畢業, 我都想跟你o地做義工.


[引用] | 作者 Becky | 6th Aug 2006 | [舉報垃圾留言]

[3] 無柰!

唐狗就是有一種獨特的堅強同耐力,所以牠們特別的忠心,為了保衛家園,容易衝動,作出不必要的攻擊,必須加陪耐心的訓練;而且成犬後或老犬容易有毛病,醫療費用昂貴;還有幼小動物中,幼犬是最可愛的!這會不會是沒有人領養成犬後的唐狗的主因?


[引用] | 作者 a | 6th Aug 2006 | [舉報垃圾留言]

[4]

他們真的比較忠心,不過我經驗看他們不衝動。他們會有攻擊,那是因為很多時他們被人虐打過,在他們未知道你是友是惡時他們必然有所反擊。無論純種或是唐狗都會的,不要說是狗啦,人都會啦,個個都起晒kong去保護自己先呢。

反而在訓練上,hkdr有純種狗也有唐狗,你試下叫個d被人寵壞的北京sit佢咬唔咬你吧。你估不到吧,愈細愈頑皮難教。反而唐狗唔知係唔係經常被冷落,他們特別聽話。我曾經教一隻叫flora的狗狗sit同hand,教5次就學了。佢都等左幾個月先在前天被人領走,終於啊!

「幼犬是最可愛的!」那是真的,我家有一隻小bb,的確可愛。不過你去AFCD時看見很多都是6-9個月的純種狗bb,就係「幼犬是最可愛的!」後的悲劇,唔好忘記狗b大得好快.....,而且bb狗要很有耐心的教。

「成犬後或老犬容易有毛病,醫療費用昂貴」,這倒是真的,不過,拉布拉多、金毛尋回犬是一早就知先天關節有很多問題,不一定是老了才有的。很多人仍是會養,以為沒那麼容易中招掛,HKDR有唔少呢d招-ed後的case。養狗係真係應該有d儲備才養是我的看法,我不是看不起收入低的人,而是收入底一點的人士理應先照顧好自己和家人,才想要一隻狗兒,因為那是一生的責任。

當然,我知道很多人都跟本不會想那麼多,養左先算,有咩事0米唔要佢lor,大把機構去拯救,大不了一死,人人狗狗都難免一死,看菜鳥「涼薄」一文就知一二。唉.....


[引用] | 作者 mongrel | 9th Aug 2006 | [舉報垃圾留言]

[5] 明白了

好認同你的說法,謝謝!


[引用] | 作者 a | 10th Aug 2006 | [舉報垃圾留言]

[6] 好灰!!!

我覺得好灰. 我有參加一些組織Sponsor狗狗programme. 我亦都有留意狗狗福利的活動. 但我發覺點做都未夠.

每天都有人棄狗, 這樣真不是辦法.但我最嬲都係政府, 一話唔可以養狗, 大家就"響應"棄狗.

仲有D狗販, 狗狗是生物, 不是死物.又係政府唔好好監管之過.


[引用] | 作者 豹妹與波 | 14th Aug 2006 | [舉報垃圾留言]